සාකච්ඡාව:කරනවා

උච්චාරණය

@Lee කරයි යන ක්‍රියා පදයේ ක යන්න ඉසිරැවෙන්නේ [ka] ලෙස නො වෙයි. [kə] ලෙසයි. මෙය වෙසෙසි අවස්ථාවක්. සැමැනියෙන් [ə] වදනක මුලට යෙදෙන්නේ නැහැ. WrdSrchSi (සාකච්ඡාව) 11:53, 14 මැයි 2025 (යූටීසී)

@WrdSrchSi, මට මේක අදයි ඔලුවට ගියේ. පරණ අකුරුවල මේ භාවිතය වෙනස් ලෙස ලියන ක්‍රමයක් තිබෙනවා ද කියා දන්නවා ද?-- Lee (සාකච්ඡාව) 16:54, 14 මැයි 2025 (යූටීසී)

ඔබ කියන්නේ සෙල්ලිපි වල තියෙන විදිහ ගැන ද? WrdSrchSi (සාකච්ඡාව) 03:55, 16 මැයි 2025 (යූටීසී)

අපට මේ අකුරු වලට පෙර තියෙන්නේ එපමණයි නේද? මම ඉංග්‍රීසි එකේ බැලුවාම. තිබ්බ අකුරු එක්ක පටලවා ගෙන වාගේ. -- Lee (සාකච්ඡාව) 04:28, 16 මැයි 2025 (යූටීසී)

1. කරිතේ කියල සෙල්ලිපිවල තියෙන යෙදුම මා හිතන්නේ උසුරුවන්නේ [ka] කියලා. (...කරිතේ ශුදශනෙ ශගශ...)

2. කරයි යන යෙදුම අවිධිමත් ලෙස කොරයි කියලත් කියනවා. අපට ඕනෙ නම් එක වෙනත් ආකාර යටතේ දාන්න පුළුවන්. වෙන තේරුමක් තියෙනවද කියල බලන්නත් ඕනේ හැබැයි.

3. කරයි / කරනවා කියන යෙදුමේ අක්ෂර වින්‍යාසේ වැරැද්දක් නැහැ. උච්චාරණය විතරයි අනෙක් ඒවාට වඩා වෙනස්. සමහර විට මේක එකම අවස්ථාව වෙන්නත් පුළුවන්. WrdSrchSi (සාකච්ඡාව) 12:46, 16 මැයි 2025 (යූටීසී)

@WrdSrchSi, ඒක විශේෂ අවස්ථාවක් වගේ තමයි. මමත් ගොඩ දෙනෙක්ගෙන් අහලා බැලුවා; ඒ කාටවත් ඒවාගෙ අවස්ථා කියන්න මතකයට ආවේ නෑ. -- Lee (සාකච්ඡාව) 12:55, 16 මැයි 2025 (යූටීසී)

1. මට නිකමට හිතෙනවා කලින් ක යන්නට ඉදිරියෙන් ස්වරයක් තිබිලා පස්සේ එක ලොප් වෙලා මෙහෙම උනාද කියලා. මට මේක හිතුනේ agere (to do) කියන වචනේ දැක්කහම.

2. තව තියෙනවා රුකුරී කියලා ක්‍රියා පදයකුත්. එකේ තේරුමත් කරයි කියන එකමයි. රුකුරී - රුකුරිති - රිකිළි - රුකුළු ( ...‘රුකුර’ (කිරීමෙහි) – ‘නරඹ’ (බැලීමෙහි) (යන) ආදිය නිෂ්පන්න ධාතු ප්ර‍කෘති නමි....සිදත් සඟරා විවරණය- විවරණය i)

3. තවද කරයි කියන එක කුරයි කියලා ගන්න තැන් තියනවා. වචන හදද්දී එහෙම නිදසුන්: පිළිකුරයි.

මේවා අතර ඕකට හේතුව තියෙනවද දන්නේ නැහැ. WrdSrchSi (සාකච්ඡාව) 13:35, 16 මැයි 2025 (යූටීසී)