සාකච්ඡාව:ගව්ම

දෝෂ සහගත අක්ෂර වින්‍යාස වු/ව්

@Lee, මටත් මේ වගේ වදන් සෑහෙන හමුවෙලා තියෙනවා. මට හිතෙන්නේ ඔතන වෙන්නේ වු / ව් උච්චාරණයේ දී වැඩි වෙනසක් නැති නිසා දෙවිදිහටම ලියනවා කියලයි. ඔබ දාපු එක (දෝෂ සහගත අක්ෂර වින්‍යාස) වෙනස් කරන්න එපා. හැබැයි මට හිතුන විදිහ ඕකයි. හැබැයි මම කියන ඒවා බොහෝවිට ප්‍රකෘතියේ දී වදනේ අන්තිමට එන අවස්ථා. නිදසුන්: රෙදෙවු + අ > රෙදෙවුව/රෙදෙව්ව. පෙර විබතට එද්දී තමයි මැද අකුරක් වෙලා වු > ව් බවට වෙනස් වෙන්නේ. මෙතන නම් ප්‍රකෘතියේ දීත් (ගවුම්) 'වු' මැද අකුරක් නිසා මම කියපු දේ අදාළ නැතුවත් ඇති. උ > හල් අකුරක් වෙන එකට තව උදාහරණ තියෙනවා. රක් + උම් > රැකුම් + අ > රැක්ම වගේ තැන්වලත් ඕක වෙනවා. WrdSrchSi (සාකච්ඡාව) 13:07, 2 ජූලි 2025 (යූටීසී)

@WrdSrchSi, මේක දානකොටත් මට හිතුන දෙයක් තමා, මේක විකල්ප අක්ෂර වින්‍යාසයක් නේද කියලා. සිංහල විකිපීඩියාවේ ගැටළුවක දී කෙනෙක් මට කියපු දෙයක් තමා, "ව්", "වු" දෙකම හරි; නමුත් ලේඛන ව්‍යවහාරයේ දී "වු" භාවිතය තමා වඩා නිවැරදි කියා. මට ඒ ගැන වැඩි අවබෝධයක් නැති නිසා මම ඒ ලෙසම එය පිළිගත්තා. මේක "විකල්ප අක්ෂර වින්‍යාසයක්" ලෙස සලකමු ද? -- Lee (සාකච්ඡාව) 06:35, 3 ජූලි 2025 (යූටීසී)

@Lee, මට තාම ස්ථීර නැත්තේ වු > ව් වෙන්නේ යම් රීතියක් අනුවද නැත්තනම් උච්චාරණයේ තියෙන සමානකමක් හින්ද කෙන කෙනාගේ කැමැත්ත අනුව වෙන දෙයක් ද කියලා. හේතුව දෙවෙනි එකනම් දෝෂ සහගත අක්ෂර වින්‍යාසක් වීමේ හැකියාවකුත් තියෙනවා කියල මට හිතෙනවා. එක තැනකට ව් > වු හරි වුණාට තව තැනකට එක වැරදි වෙන්නත් පුළුවන් නේද? මා කියන එක පැහැදිලි ද දන්නේ නැහැ. අපි කොයිකටත් තව ටිකක් බලමු ද? සමහර විට තව උදාහරණ ලැබෙයි ඉදිරියට. WrdSrchSi (සාකච්ඡාව) 12:33, 4 ජූලි 2025 (යූටීසී)

@Lee, *නිවැරදි කිරීම: එක තැනකට වු > ව් හරි වුණාට WrdSrchSi (සාකච්ඡාව) 12:37, 4 ජූලි 2025 (යූටීසී)

@WrdSrchSi, හරි. දැනට මම මේක විකල්ප අක්ෂර වින්‍යාසයක් කියලා සලකුණු කළා. දැනට අපේ දැනුම අනුව මේක වැරදියි කියන එකට වඩා ඒක හොඳයි කියලා හිතුන නිසා. -- Lee (සාකච්ඡාව) 03:30, 5 ජූලි 2025 (යූටීසී)

@Lee, ඔව් එහෙම හොඳයි. :) WrdSrchSi (සාකච්ඡාව) 12:42, 10 ජූලි 2025 (යූටීසී)