සාකච්ඡාව:technology

තාක්ෂණය - තාක්ෂණවේදය

@Lee තාක්ෂණය යන යෙදුමෙහි මෙහෙම දෙයක් තියෙනෙවා. ක්‍රීඩා වලදී තාක්ෂණය කියන්නේ technique කියන එකයි. ඒවගේම තාක්ෂණවේදය කියල යෙදුමක් තියෙනවා. එකේ තේරුමත් technology (Madura Online Dictionary, google translator). ගූගල් පරිවර්තන වල තාක්ෂණය <> Technology. නමුත් technique යන යෙදුමට දෙන පරිවර්තනයත් තාක්ෂණය. techniques යන යෙදුමට දෙන පරිවර්තනය ශිල්පීය ක්‍රම. මට හිතෙන්නේ මේ විදිහට මේක නිරවුල් වෙනවා. technique - තාක්ෂණය (ශිල්පය ? / සිල්පය? / සිල්පියාව ?) technology - තාක්ෂණවේදය (සිප්ලකුව) technical - තාක්ෂණික (සිප්යුරු / සිප් - අවස්ථාවේ හැටියට) WrdSrchSi (සාකච්ඡාව) 15:20, 25 මැයි 2025 (යූටීසී)

@WrdSrchSi, මේක සිරා. ඔය වාගේ වැරදි හදන්න හොඳම තැන මෙතැන. -- Lee (සාකච්ඡාව) 03:14, 26 මැයි 2025 (යූටීසී)

@WrdSrchSi, සිංහල විකිපීඩියාවේ බැඳි අකුරු (තාක්‍ෂණය) භාවිතා කර තිබුණු නිසා මම ප්‍රධාන වචනය ලෙස මෙහි භාවිතා කළෙත් ඒක. ඒක ගැන ඔබට මතයක් තිබෙනවා ද? - Lee (සාකච්ඡාව) 03:21, 26 මැයි 2025 (යූටීසී)

@Lee ඔව් මා දැන් බැලුවා. එතන 'technique කියල තියෙන එකත් හරි. මම කියන්නේ තාක්ෂණය කියන එකට දාපු එකට technology වැරදියි කියල නෙමේ මොකද එහෙම භාවිතා වෙනවා. විකිපීඩියා පිටුවේ තියෙන්නෙත් එහෙමයි (technology>තාක්‍ෂණය). නමුත් මම හිතන්නේ මෙතන භාවිතයේ වැරැද්දක් තියෙන්නේ. ඒ වැරැද්ද හදන්න වෙන්න ඇති 'තාක්ෂණවේදය' කියල යෙදුමක් තියෙන්නේ. මේක මගේ අනුමානයක් විතරයි. මම හොඳටම දන්නේ ක්‍රීඩා වලදී තාක්ෂණය කියන්නේ 'technique' කියන එක. පාසල් විෂය ධාරාවක් තියනවා 'තාක්ෂණවේදය' කියලා. මම හිතන්නේ ඒ කියන්නේ 'technology'. WrdSrchSi (සාකච්ඡාව) 06:00, 26 මැයි 2025 (යූටීසී)

@WrdSrchSi, ඔබ පැවසූ දෙය හරි කියලා තමා මට හිතුනෙත්. -- Lee (සාකච්ඡාව) 07:35, 26 මැයි 2025 (යූටීසී)

@Lee ඔය වගේ තව යෙදුමක් තමයි ශක්තිය කියන එක. ශක්තිය කියන්නේ strength (ශක්තිමත් / සවිමත් - strong). හැබැයි චාලක ශක්තිය (Kinetic energy) වගේ තැන්වල ශක්තිය කියන්නේ energy. ශක්තිය = energy වුනහම කර්ම ශක්තිය ඉංග්‍රීසියෙන් Karmic energy වෙනවා. ශක්තිය = strength නම් Karmic strength වෙන්න ඕනේ. ඔබ කලින් කියපු science-විද්‍යාව වගේ තව තැනක් තමයි මේකත්. WrdSrchSi (සාකච්ඡාව) 09:43, 26 මැයි 2025 (යූටීසී)

@WrdSrchSi, ඔව් නේද. මේ වාගෙ වචන ලැයිස්තුවක් තබා ගන්න අදහසක් තිබෙනවා ද? -- Lee (සාකච්ඡාව) 10:36, 26 මැයි 2025 (යූටීසී)

@Lee පුලුවන්නම් හොඳයි. වෙනම ප්‍රවර්ගයක් හදලා දාන්න ද තියෙන්නේ? මේ වගේ තව යෙදුම් දෙකක් තමයි බලය හා ක්ෂමතාවය. දෙකම power. හැබැයි බලය කියන යෙදුම force කියන එකටත් යෙදෙනවා. සමහර විට භෞතික විද්‍යාවේ ක්ෂමතාවය කියන යෙදුම යොදන්නේ මේ හේතුව නිසා වෙන්න ඇති. force කියන එකට සිංහල යෙදුම තමයි 'වැර'. එතකොට power - බලය, force - වැර, energy - ඔද, strength - සවිය (ශක්තිය). තව කාර් එකට කියන්නේ මෝටර් රථය. එකේ තේරුම motor vehicle (Wikipedia page name - රථ වාහන). හැබැයි ඉංග්‍රීසියෙන් motor vehicle වලට අයිති වෙන්නේ කාර් විතරක් නෙමෙයි. ඒවගේම ඉංග්‍රීසි car කියන යෙදුම දුම්රිය වලත් (car attendant, observation car) තියෙනවා. එතකොට මෝටර් රථය කියන්න බැහැ. මට හම්බවුන යෙදුම තමයි 'සරවුව'. එතකොට දුම්රියටත් එක යොදන්න පුළුවන්. (car attendent - සරවු උවටු , observation car - නිරික්සුම්/නැරැඹුම් සරවුව) WrdSrchSi (සාකච්ඡාව) 12:55, 26 මැයි 2025 (යූටීසී)