විදුලි පහන
විදුලියෙන් දැල්වෙන පහන.
ලෝහ වලින් තැනූ සූත්‍රිකාවක් තුලින් විදුලිය ගමන් කිරීමේ දී එය අධික ලෙස රත් වීමෙන් විහිදුවන ආලෝකය මුල් කාලයේ විදුලි පහන් වල ආලෝක ප්‍රභවය විය. පසුව ඉලෙක්ට්‍රෝන ධාරාවක් ප්‍රතිදීපන ද්‍රව්‍යක් මත පතිත කිරීමෙන් ඇති වන ප්‍රතිදීප්තනය යොදා ගන්නා ප්‍රතිදීපන පහන් භාවිතයට පැමිණි අතර මේවා සූත්‍රිකා පහනට වඩා ප්‍රබල ආලෝකයක් දෙන ඊට වඩා බොහෝ විදුලි පිරිමැසුම්දායක පහන් ආකාරයකි. වර්තමානයේ බොහෝ විට යොදාගන්නේ ආලෝක විමෝචක ඩයෝඩ (එල්.ඊ.ඩී) පහන් ය. මේවා අර්ධ සන්නායක තුළින් විදුලි ධාරාවක් ගමන් කරවීමෙන් ආලෝකය නිපදවන අතර, ඉතාම අඩු විදුලි පාරිභෝජනයක් ඇති හෙයින් ඉහළ කාර්යක්ෂමතාවකින් යුක්ත ය.